A xuntanza do pasado luns 14 de decembro tiña como obxectivos seguir sumando xente interesada en ser futuros e futuras habitantes, e continuar avanzando para darlle forma á estratexia de traballo, á estructura e organización do proxecto, e ao grupo de persoas que o conformamos.
Reunión informativa: comisión de benvida.
Comezamos convocando ás 18:30 horas a novas persoas interesadas en saber máis de Outra Forma de Vivenda, para facilitar así a incorporación ao encontro posterior. É importante ir conformando un grupo de xente que se vai sntindo parte disto, e tamén queremos continuar coa difusión para que se poidan unir novos integrantes que fagan esta iniciativa posible.
Cronograma e estratexia de traballo
Unha das necesidades que xurdiu en xornadas previas foi o ter unha visualización do proxecto de forma máis xeral para tomar así unha perspectiva máis ampla e precisa do proceso a seguir.
Nestes gráficos, podemos ver o cronograma e as diferentes fases que seguiremos nos próximos meses.
Organización e participación
Na anterior reunión chegamos ao acordo de facer unha “asamblea” ou encontro de carácter mensual no centro cultural Ágora. Esta asamblea será retransmitida vía internet (streaming), e se enviará a orde do día cos temas a tratar previamente, tomaranse decisións se así se precisa, e haberá una posta en común final. Todo isto se publicará na web para que poda acceder ao resumo a xente que así o desexe.
Outro dos temas importantes a tratar era definir máis claramente o grado de participación das persoas e organizarse en grupos de traballo máis específicos. Así poderemos seguir esta folla de ruta marcada no cronograma, facilitando o traballo e a organización interna.
Neste gráfico interactivo podemos ver as comisións xa existentes e as súas funcións, e outras que as/os interesados/as consideren oportunas. Se queres participar nalgún dos grupos, podes escribir a info@outraformadevivenda.org ou apuntarte na próxima asamblea o día 25 de xaneiro.
- Grupo de coordinación
- Grupo de comunicación
- Grupo de benvenida
- Grupo de facilitación
- Outros
Palestra: a experiencia da cooperativa de vivendas Entrepatios
Tivemos a sorte de poder contar con Pablo, un compañeiro da cooperativa Entrepatios, unha cooperativa de vivendas de Madrid que leva un proceso similar a este, aínda que máis adiantado polo tempo que xa levan con isto.
Podedes ver a reunión completa neste vídeo, e a intervención de Entrepatios a partir do minuto 48.
Despóis de contar a súa experiencia, os seus inicios, os intentos previos, a conformación do grupo, os éxitos e fracasos, etc, iniciouse unha rolda de preguntas. Ver un exemplo como éste de primeira man, aportou novas perspectivas, pero tamén reforzou moitas das que xa tiñamos.
Moitas grazas a Entrepatios por esta colaboración desinteresada a través da pantalla e a 600 kilómetros de distancia.
Posta en común, conclusións e peche
Por último, iniciouse un debate con todo o exposto na xornada, onde as persoas que acudimos poidemos presentarnos e coñecernos un pouco máis. Expresamos ademáis a nosa visión sobre o proceso e as súas prioridades e eleximos posibles grupos de traballo.
En xeral, mostrouse unha ilusión relacionada co traballo en equipo, coas sinerxias, coa necesidade de que este proxecto sexa real (e permita así desenvolver unha vida plena), e a motivación de descubrir outras iniciativas que van conseguindo obxectivos e metas.
Fíxose énfase na necesidade de ampliar a comunicación, sobre todo no referido á difusión para poder chegar a máis xente e que así medre o grupo de futuros/as habitantes, ademáis de contactos clave en entidades sociais de referencia.
Intentaremos entrar en contacto as personas de cada comisión para continuar co traballo.
Vémonos no próximo encontro o luns 25 de xaneiro de 2016 no centro cultural Ágora.
