Finalmente, solventado o tema do espazo, queremos convocarvos ao próximo encontro de Outra Forma de Vivenda que terá lugar este luns día 1 de febreiro ás 19 horas na sala de usos múltiples do Centro Cívico de Os Mallos.
Desta vez, contaremos coa participación da cooperativa SostreCívic a través de videoconferencia. Sostre Civic é unha cooperativa de ámbito estatal e con sede en Barcelona que promove un novo camiño de acceso á vivenda alternativa aos tradicionais modelos de compra ou aluguer.
Nesta palestra explicaranos as características desta outra opción, baseada nos Modelos de Cooperativas de Uso e a través da cal os seus membros participan e desfrutan dun uso indefinido da vivenda grazas a un dereito de uso asumible.
Esta constitúe unha nova xuntanza de “Outra Forma de Vivenda”, unha iniciativa cidadá sen ánimo de lucro que ten como obxectivo a creación dunha cooperativa de vivendas accesíbeis, comunitarias e sustentábeis en A Coruña. Actualmente encóntrase nun momento inicial do seu proceso, e esta sesión informativa forma parte dunha fase de búsqueda de futuros/as habitantes que integrarán a cooperativa.
A orde do día será:
– Presentación de Outra Forma de Vivenda.
– Sostre Civic en conexión en directo: modelo de cesión de uso.
– Dúbidas, preguntas e posta en común.
– Peche e próximas convocatorias.
Rogamos puntualidade e sentimos os cambios de última hora.
