La Borda. Cooperativa viviendas en cesion de uso
“A primeira promoción cooperativa de vivendas en cesión de uso La Borda, queremos harmonizar a necesidade de acceder a unha vivenda de carácter social, económico e ambientalmente sustentables, e ao mesmo tempo promover o acceso a un lugar onde vivir sen pasar por circuítos convencionais do mercado inmobiliario.
Pensamos que é imprescindible xerar formas de acceso á vivenda de titularidade colectiva que poñan o foco no uso efectivo destas, e non no seu valor de cambio no mercado capitalista. Ao mesmo tempo, queremos fomentar formas de convivencia máis comunitarias que faciliten a interrelación entre veciños e veciñas, e favorezan a repartición do traballo doméstico e de coidados a través de espazos comúns.”
La Borda acaba de conseguir, a finais do ano 2015, unha cesión de espazo por parte do concello de Barcelona de 75 anos.
Apartamentos con apoio Txurdinaga, Bizkaia.
ETXEGOKI(“casa adecuada, idónea”, en eúscaro) é un recurso da Deputación Foral de Bizkaia que conta con 32 apartamentos con apoios situados no barrio de de Txurdinaga (Bilbao), xestionados por FEKOOR para ofrecer ás persoas con diversidade funcional física unha alternativa de vivenda accesible, adaptada e totalmente innovadora en Bizkaia.
Trabensol. centro social de convivencia para maiores.
A cooperativa Trabensol, nun pobo de Madrid, converteu o concepto e o contido dunha residencia de maiores, nun fogar comunitario ao guto.
«Está todo moi pensado. As zonas de acceso da casa están orientadas ao norte e as do aloxamento ao sur. Temos 25 pozos de 150 metros que fan que o chan sexa radiante e teña unha temperatura constante de 16 graos. Os canlóns dos tellados van a un alxibe que recolle a auga da choiva e permítenos regar durante tres meses. Os illamentos térmicos e acústicos están moi coidados e as luces exteriores están dirixidas cara abaixo para que non haxa contaminación lumínica e podamos ver as estrelas», sinala Jaime Moreno, xornalista e coordinador da comisión de comunicación do lugar.
http://trabensol.org/
